O porteiro do Club Deportivo Lugo, Ánder Cantero, xogou Ao Contraataque para analizar o partido ligueiro do sábado fronte ao RCD Espanyol, líder sólido da categoría.

Cantero recoñece a dificultade de puntuar fronte a un conxunto que no primeiro cuarto do campionato demostrou ser moi eficaz ofensivamente e sólido na liña defensiva.

Porén, o porteiro do equipo lucense é consciente de que o encontro chega para o equipo galego no mellor momento da tempada, con cinco encontros consecutivos sen coñecer a derrota, e amosando moita solidez tanto defensiva como ofensiva.