O parte meteorolóxico da Televisión de Galicia sempre inclúe fotografías enviadas polos espectadores. O presentador do tempo Diego Viaño afirma que reciben unhas 300 fotografías diarias. Unha cifra que en días de temporal, choiva e neve, pode ascender a preto de mil.

Conversamos con Yolanda Villasol (Louzarela, Pedrafita do Cebreiro), unha desas "fieis clientas" - como as denomina Diego - que "xa sabe cando e como enviar estas imaxes".