Marisol Donis, con afán de arqueóloga, foi quitando o po acumulado en milleiros de arquivos e xornais vellos, ata que leu e recompilou a vasta produción xornalística de dona Emilia e, de entre toda ela, escolleu, organizou e deu luz coas súas explicacións ás súas crónicas e artigos de opinión sobre algúns dos crimes máis populares, curiosos e terribles da súa época. 

Pero non se trata só de recoller o acontecemento, senón de botar luz sobre o seu punto de vista, as súas opinións, tan brillantes, tan certeiras, tan furiosamente actuais.

Así que ler o que pensa Emilia Pardo Bazán sobre o que ela chamou “mullericidios” non pode deixarnos indiferentes.