A artista tomiñesa Andrea Pousa publica o seu segundo traballo discográfico en solitario. Titúlase 'Retorno' e é para ela unha volta ás súas raíces.

"Considérome galaico-portuguesa"

"O proceso levoume ata aquí; é algo moi meu". Andrea estréase como compositora e produtora musical. Colabora neste disco co produtor portugués Paulo Borges. 

"Deixamos de desfrutar o momento por sacar unha foto"

As letras están inspiradas en aspectos cotiáns. O amor e o desamor tamén deixan protagonismo a certas autocríticas á sociedade. Especialmente a superficialidade ou a falta de amor propio. 

"Eu mesma considérome atrapada moitas veces nas redes sociais"

A xira de presentación comezará en xuño. Andrea promete que enriba do escenario vai verse un "espectáculo moi potente".