O presidente do Consello Galego de Colexios Veterinarios destacou que os veterinarios da Xunta vixían as granxas de visóns para detectar focos do coronavirus, como o declarado nunha explotación de Santiago.

Luis Núñez apuntou que os visóns son máis susceptibles que outros animais ao contaxio. Segundo explicou, en xeral os animais non transmiten a enfermidade ás persoas, aínda que pode haber mutacións que o faciliten.