Xulio Sousa analizou os rexistros de 167 localidades galegas e de zonas de Asturias, León e Zamora de fala galega para pór ao día os datos do Atlas Lingüistico Galego que elaborara o ILG nos anos 70. Entre as súas conclusións, que o concello da Lama é o lugar onde a fala se parece máis ao galego normativo e que a crenza de que o galego normativo é unha variedade inventada e afastada da fala é un falso mito.