Ferrolterra viviu unha xornada reivindicativa para esixir a reindustrialización da comarca. Comisións Obreiras, UXT e CIG convocaron as mobilizacións, que en Ferrol comezaron cunha concentración ás portas de Navantia e remataron diante da casa do concello.

Os traballadores esíxenlles ás administracións medidas concretas que garantan carga de traballo e emprego no sector naval, unhas demandas que xa se trasladaron na folga convocada hai un mes. Á tarde están previstas dúas marchas que rematarán na praza de Armas.