Éxito dos atletas galegos no campionato de España de pista cuberta. Dous ouros e un bronce. Sexto título de Ana Peleteiro en triplo salto coa mellor marca española e terceira europea da temporada: 14.21

Primeiro título nacional para Belén Toimil en peso, que supón ademais a fin dunha era, logo de 11 anos de dominio de Úrsula Ruiz. A galega levou o ouro cun lanzamento de 17.81 pero resistíuselle a mínima para o Europeo.

Non puido revalidar o título Jean Marie Okutu. O marinense foi bronce en lonxitude cun salto de 7,68 m por debaixo da súa mellor marca da temporada. Peor lle foi a Adrian Ben, quinto nos oitocentos metros cun tempo de 1.49.66