Muros, andamios, pedras e os propios obstáculos deste monte de San Miguel de Oia inzaron os oito quilómetros de percorrido da Xacobeo Wild Race que o gañador fixo en pouco máis de cincuenta minutos.

Dezaseis persoas participaron na competición principal de Elite e moitas outras tanto en grupo coma en solitario na categoría popular. Todos atoparon 35 obstáculos e comprobaron o seu nivel de forza e resistencia con probas próximas ao Crosstraining e o PaleoTraining. Un deporte que engancha a moitos.

A carreira celebrouse no marco do festival The Wild Fest, que combinou música, deporte, cinema, natureza e mesmo acampada, un evento que está xa na súa terceira edición.