Os tres homes maiores de idade encarcerados como presuntos autores da agresión que acabou coa vida de Samuel Luiz chegaron esta mañá ao edificio dos xulgados da Coruña, onde a xuíza instrutora lles comunicará a súa imputación.

Os mozos chegaron minutos despois das 9:00 horas desta mañá ata os xulgados nun autobús da Garda Civil, que os trasladou desde a prisión de Teixeiro, onde se atopan en prisión provisional tras o seu arresto. Dous deles entraron coa cara tapada e un levábaa descuberta.

A cuarta adulta, a moza que se atopaba en liberdade, aínda que coa obriga de comparecencias ante o xulgado, presentouse ás 9:50 horas. A moza chegou a pé co seu avogado coa cara descuberta e lentes de sol, ante unha gran expectación. Ás portas do xulgado atopábanse amigos de Samuel que a increparon con berros de "asasina".

A xuíza do Xulgado número 8 de Instrución da Coruña citou ás 10:00 horas os tres encarcerados e a moza que se atopa en liberdade con medidas cautelares, así como as partes. 

A cuarta adulta detida polo crime de Samuel, que se atopaba en liberdade, chegou aos xulgados da Coruña ás 9,50 horas a pé coa cara descuberta e lentes de sol, acompañada do seu avogado. Amigos de Samuel increpárona con berros de "asasina". pic.twitter.com/TBHB9iEsnu

— G24 (@G24Noticias) August 5, 2021