A rede de mensaxería privada WhatsApp limita o reenvío de mensaxes para evitar a difusión de noticias falsas. A partir de agora a aplicación só permitirá que as mensaxes que son moi compartidas se poidan enviar a un contacto de cada vez.

Ata agora podíase enviar a mensaxe ao mesmo tempo a un máximo de cinco contactos. Con esta medida, WhatsApp trata de evitar a viralización de falsidades e de informacións erróneas en plena pandemia do coronavirus.