Vox pediulle ao Parlamento de Andalucía os datos persoais dos traballadores das Unidades de Violencia de Xénero que prestan ou prestaron servizo entre 2012 e 2019. O líder andaluz de Vox, Francisco Serrano, xustifica esta demanda co argumento de que "os xuíces ditan sentenzas en base a informes de profesionais non cualificados e altamente ideoloxizados".

O presidente da Junta de Andalucía, Juanma Moreno, malia que non aludiu directamente a esta polémica, asegurou durante un acto do PP en Andalucía que non só "non haberá nin un paso atrás na garantía dos dereitos dos andaluces", senón que o seu Goberno vai ser a "garantía do dereito, do progreso e a libertade" de xeito "transparente, eficaz e clara".