Vox denunciou este martes que YouTube, o sitio web dedicado a compartir vídeos, eliminou a súa canle na plataforma "sen ningunha explicación" e esixiron "unha explicación e que a conta sexa habilitada canto antes".

O partido liderado por Santiago Abascal alertou do peche da canle a través da súa conta oficial de Twitter, en que compartiron unha captura de pantalla. "Inhabilitamos a túa conta de forma permanente", pode lerse no texto.

Fontes da formación sinalaron que YouTube non achegou máis argumentos ao peche da canle, que contaba ata este mesmo martes con 158.000 subscritores.

"A decisión de eliminar a canle é un grave atentado contra a liberdade de expresión e difusión dun partido político. Esiximos unha explicación e que a conta sexa habilitada canto antes", reclamaron.