CRTVG

Buscar

Avistan tres novos xabarís nunha das rúas con máis comercio e tráfico de Lugo

Publicado o 20/02/2019 19:11

Paseando tranquilamente polo centro de Lugo. Así foron gravados estes 3 porcos bravos. Nin os coches nin os numerosos transeuntes que pasaban pola zona intimidaban estes animais que cada vez con máis frecuencia se deixar ver na cidade.

A pregunta é por que é cada vez máis frecuente a presenza de porcos bravos na cidade?

"A situación paisaxística favorece moito o xabaril, o millo, o uso forestal actual.Sábese que o xabaril foxe dos sitios onde está perseguido; nas cidades teñen máis calor e non se ven perseguidos", di o ex-profesor do departamento de Zooloxía da USC Manuel Pardo.

A Xunta de Galicia e o Concello de Lugo traballan na posta en marcha dun plan para controlar as poboacións de xabarís que andan polas cidades. Un plan que inclúe a colocación de gaiolas e a roza dos lugares onde se refuxian, así como as polémicas esperas nocturnas levadas a cabo por arqueiros.

Dende a Plataforma pola Convivencia Ética coa Fauna Silvestre pídese un estudo científico rigoroso sobre os comportamentos do xabaril e un plan integral que priorice medidas preventivas.




 

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí

Noticias web

20/02/2019