Nélida e Sagrario fixéronse moi amigas na residencia de Sarria na que conviven dende hai anos. A súa cotidianidade transcorría ben tranquila ata que o cornavirus entrou nesta residencia. Con todo tiveron pouco medo.

Agora todos están relaxados, pero veñen de pasar un ano practicamente pechados, e un mes de febreiro terrible, cando a covid entrou no centro.

Había 90 internos e a covid levou a dez. De feito estímase que só tres dos interos non se contaxiaron

Agora todos os internos están vacinados agás dous que non quixeron. O caso está na Fiscalía.
O director aínda lembra a impotencia e a xenreira que sentiron cando o coronavirus entrou no centro

Dende que se vacinaron todos están máis tranquilos, protexidos, e réstanlle importancia aos efectos secundarios da vacina

Presta velos rirse de novo, de novo tranquilos e desfrutando das tardes de sol malia que, polo de agora, neste centro prefiren que os seus internos aínda non saian fóra