Vodafone anunciou este mércores un expediente de regulación de emprego que pode supoñer o despedimento de 515 traballadores en España. A empresa británica atribúe estes despedimentos á competencia en prezos que hai no mercado español. O ano pasado esta compañía telefónica perdeu máis de 400 millóns de euros. Vodafone convocou os sindicatos a negociar o ERE que quere levar a cabo a partir de outubro. A principios de 2019 a empresa realizou outro ERE que afectara un milleiro de traballadores.