Viticultores do concello ourensán de Beade denuncian os estragos que causan os xabarís nos viñedos máis novos.

Aseguran que levan dous meses padecendo os ataques continuos dos porcos bravos e que os axentes medioambientais xa tramitaron polo menos unha decena de denuncias. As uvas aínda están verdes, pero os xabarís fozan na terra e causan danos nas cepas, ás veces irreversibles. POr iso pídenlle á Xunta que autorice batidas.