CRTVG

Buscar

Villares reivindica En Marea lonxe de Podemos

Publicado o 07/06/2019 19:47

Luís Villares reivindica o espazo de En Marea e pon distancia con Podemos, que, na súa opinión, perdeu pluralidade coa liña imposta por Pablo Iglesias. Convencido de que En Marea superará a súa crise interna, ve preciso retomar o diálogo e aprender dos erros.

"Fomos colocados conforme un discurso de Podemos en que nós non queriamos estar. Nós queriamos un espazo máis amplo transversalmente e máis amable", dixo Villares.

Tamén avogou polo apoio das Mareas aos gobernos progresistas o quince de xuño: "Nesa investidura deben apoiarse as propostas programáticas que permitan continuar co avance social iniciado polas Mareas".

En Santiago, Compostela Aberta pasa á oposición que, de momento, liderará Martiño Noriega. Acordou coa asemblea da formación participar na transición institucional.

"Na futura etapa o meu papel ten que ser outro, pero por min non vai quedar facer un proceso de transición nos vindeiros meses e facer de representación pública nos vindeiros meses", explicou o alcalde en funcións, á saída da xuntanza. 

Noriega di que el marcará os tempos.

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí

Noticias web

07/06/2019