O Porto de Vigo lanza un proxecto pioneiro para converterse en porto verde de referencia do sur de Europa. O obxectivo é incrementar a biodiversidade nas zonas portuarias coa semente de organismos para reducir as emisións de carbono.

Na loita contra a contaminación das augas e contra o cambio climático, o Porto de Vigo inicia o proxecto Peiraos do solpor. A iniciativa desenvolverase en catro fases, a máis importante é a de semente e cultivo de organismos para reducir as emisións de carbono.

Ao abeiro da creación deste ecosistema natural, outra das fases será a da construción dun embarcadoiro flotante a modo de observatorio para que os cidadáns visibilicen o proxecto.

Este luns presentouse o proxecto, co que o porto de Vigo pretende converterse en porto verde de referencia do sur de Europa, enmarcado no seu plan de crecemento azul.