Ferrol vive hoxe un Venres Santo moi distinto, cunhas restricións que condicionan por completo todas as celebracións relixiosas.

Para tratar de manter o espírito da Semana Santa, as cinco confrarías ferrolás dispuxeron unhas carpas que acollen as distintas imaxes que terían que saír hoxe en procesión. Centos de persoas pasaron por elas nestas ultimas horas, pero evitando aglomeracións.

A Semana Santa é un dos grandes reclamos turísticos de Ferrol, onde antes da pandemia, as máis de vinte procesións que había ao longo de nove días, reunían
a unhas 300.000 persoas.

As confrarías expresaron o seu agradecemento polo ambiente de serenidade que se vive tanto nas igrexas como nas carpas instaladas na rúa e confían en que, superada a pandemia, a Semana Santa poida vivirse de novo o ano que ven con toda a sùa intensidade.