Logo de moitos meses de obras, aumenta a preocupación dos comerciantes das zonas céntricas de Elduayen e da Porta do Sol polas dificultades engadidas á marcha dos seus negocios.

A peonalización da zona xa é un feito desde que comezaron as obras, en marzo de 2020, e concentra a maioría dos apoios, pero a discrepancia está na construción dun túnel para soterrar o tráfico.

Segundo o plan inicial, o remate dos traballos, que durante o confinamento se suspenderon temporalmente, estaba previsto para 2022.