En Ourense, un dos atractivos turísticos por excelencia, as termas, continúan pechadas. E o peor: nun estado de conservación lamentable.

Un ano e dous meses despois de comezar a pandemia, as zonas termais públicas de Ourense seguen pechadas e nun estado de abandono total. A plataforma veciñal de usuarios Amigos das Termas reclámalle ao Concello a súa limpeza e apertura. Din que, cumprindo coas medidas de seguirdade, xa é o momento de pór en funcionmento un dos principais atractivos turísticos da cidade, a única cidade termal de Galicia. 

Pechadas e invadidas pola maleza e as algas. Así están as termas públicas do Muíño en Ourense, sen mantemento desde que comezou a pandemia. Desde a plataforma veciñal Amigos das Termas denuncian o abandono dun dos principais reclamos turíticos da cidade, a capital termal de Galicia, a segunda de Europa. 

Desde a plataforma de usuarios temen que detrás da demora na posta en funcionamento das zonas termais públicas estea unha ameaza de privatización. Este martes, técnicos do Concello de Ourense comezaron a facer medicións topográficas para adaptar as zonas termais á normativa vixente, pero por agora, non hai prazos para a súa reapertura.