O ocio nocturno pechou pola covid-19, pero os veciños de Nigrán queren que non se repita nun futuro o que levan anos sufrindo: noites de festa que se prolongan mais aló das sete da mañá, ruídos, vandalismo e pelexas coma a da última fin de semana, en que dúas persoas acabaron no hospital.

A actividade de ocio nocturno concéntrase nos pazos de Urzáiz e de Cea, e non todos son igual de rigorosos á hora de cumprir a normativa.

As protestas veñen motivadas por longas noites de festa, ás veces acompañadas de actos vandálicos que os veciños levan anos aturando. O medo que teñen é que un día ocorra o peor.