Centos de mozos celebraron un botellón ás tres ou catro da mañá na praia do Castelo, en Muros. Algo común a moitas vilas e cidades, o que pasa é que cando se realizan acotío e en rúas habitadas conviven mal cos veciños. Muros non é unha excepción.

Ademais do ruído e do lixo que deixan na praia, que está no corazón da vila, tamén se concentran neste patio particular dunha comunidade de veciños e utilízano como retrete.

As primeiras queixas xa se puxeron en 2014, pero parece que a cousa aínda se agravou agora ao remate do confinamento. Os veciños presentaron queixas formais repetidamente non só no Concello, senón tamén na Subdelegación do Goberno.

Actualmente están a recoller sinaturas para que as autoridades adopten medidas eficaces.