Ademais do da residencia do Incio, no sur da provincia de Lugo hai outros dous gromos activos: un en Monforte e outro en Sarria.

O de Monforte é o que máis preocupa. Nas últimas horas fixéronse máis de cen probas PCR, e detectáronse oito casos máis, co que xa van 47 positivos.

Hai preto de 200 persoas en corentena, a maioría delas nun mesmo edificio do centro da vila. Todo apunta a que o gromo da residencia do Incio partiu daquí, porque o primeiro contaxio que se detectou foi o dunha traballadora do xeriátrico que vive en Monforte.

O gromo de Sarria está controlado. Son 12 positivos, a meirande parte de dous grupos familiares.