No Camiño de Santiago comeza a etapa máis concorrida, en non só polos peregrinos, senón tamén polos 'perregrinos'. Aumenta exponencialmente o número de cans e de cadelas que acompañan aos seus donos nas rutas galegas xacobeas. Agora son centos os que peregrinan pero en todo este ano calcúlase que serán 5.000 cans os que cheguen a Compostela. Moitos deles obterán a súa compostela canina, unha credencial pioneira no mundo que concede Apaca: a Asociación Protectora de Animais do Camiño impulsa máis iniciativas que fomentan a peregrinación con cans e o turismo canino.

No vídeo principal completo facemos o Camiño de Santiago dos cans e das cadelas. Nos de abaixo, etapa por etapa, peregrinamos con animais de compaña. Propómosvos para os vosos móbiles un formato novo: #VerTiGal  para que tamén poidades ver en vertical o fundamental: ollo que amais de ver hai que premer, para escoitar cada historia. Facede play ao final para ver o total.

Da man da xornalista de TVG Belén Baños Riádigos, acompañaremos o 'perregrino' Chispo e o seu dono peregrino Javier Navarro Muñoz.  No camiño de economía social que están abrindo no Camiño moitos novos negocios e servizos pensados para animais peregrinos guiarannos o presidente de Apaca, Santiago Piñán Oujo, e o responsable dos servizos web e redes sociais da protectora, Cristian Rodríguez, ábrenos o camiño dunha nova tendencia mundial, o das poboacións máis amistosas cos animais.