Aproveitaron este boquete que había nun dos muros para acceder ao recinto e acomodáronse na vella cantina que hai baixo a bancada. O balbordo que fixeron espertou varios veciños.

"E asomámonos ao balcón e vimos que había moita rapazada aí no campo de fútbol e decidimos chamar a Garda Civil máis que nada para que non estragasen nada. E dispersáronos a algúns pilláronos, outros escaparon", ​conta Agripina Rodríguez, unha veciña.

Segundo as testemuñas, podería haber medio cento de rapaces no campo.  "Había un número elevado de rapaces, de xente nova dentro do que é o recinto e a maior parte escaparon cara atrás todos, na noite e identificáronse dez persoas", informa Jesús López, inspector xefe da Policía Local de Lalín.

"Nada, non había, estaba todo recollido, estaba nas papeleiras e estaba todo recollido", aclara Amando Fernández, encargado de mantemento da instalación deportiva.

Agora enfróntase a unha proposta de sanción que no caso de ser leve poderá ascender ata o 3.000 euros  "Iso xa despois, os técnicos que son os que cursan as denuncias, valorando o risco que eles poidan entender que eses actos poden levar de posibles contaxios ou de expansión do virus, aí é onde valoran a contía ata ese valor máximo", informa a policía.