Este domingo continuaron os exames de oposicións do Sergas. En Silleda examinábanse onte máis de 8.000 persoas, hoxe foron 1.300 nas categorías de médico, pediatras e odontólogos de atención primaria, e matronas. Ofertábanse 443 prazas.Foi a quenda dos médicos de familia. Ofertáronse 254 prazas. Tamén dos pediatras de atención primaria con 93, 7 prazas son de odontólogo de primaria. E a elas súmanse outras 89 para matronas...

As probas desenvolvéronse sen incidencias e cunha alta participación dos inscritos. Examináronse uns 1.300 opositores. A Consellería de Sanidade inisiste en que quere ofertar 3.500 prazas no 2020, se se elimina a taxa de reposición.
Este grupo de compañeiros de traballo examináronse na especialidade de médico de atención primaria, como é o caso de Xose e de Carlota.
Desde o colectivo de sanitarios din esperar que continúen estas convocatorias, que consideran necesarias para reducir a eventualidade do persoal e para dar máis calidade no servizo sanitario.