E van ver a sorpresa coa que se atopou o dono dun supermercado de Burela a noite pasada... "O que me faltaba -di-, novos clientes". 

Unha parella de xabarís adentrándose entre os expositores, na procura de algo que levaren á boca. A incursión duroulles pouco. Liscaron en canto viron o dono, móbil en man para gravar a insólita escena. Unha vez fóra, un condutor escorrentounos cos faros do coche.