EFE

Unha nena de tres anos, veciña da Coruña, foi hospitalizada este mediodía en estado grave tras ser atropelada no Grove (Pontevedra), mentres que o seu pai, de 40 anos, sufriu feridas leves.

O accidente produciuse ás 12:20 na estrada de Pedras Negras, en San Vicente, segundo fontes da Garda Civil, que abriu dilixencias para aclarar o sucedido. De acordo coas testemuñas do accidente, un vehículo levou por diante o carriño no que viaxaba a pequena empuxada polo seu pai.

Ao volante do turismo ía unha veciña de Ciudad Real de 54 anos e de debaixo sacárona as testemuñas tras o sinistro. Desde o  CIAE-112 alertouse aos servizos médicos, aos Bombeiros de Ribadumia, ao GES de Sanxenxo, á Garda Civil de Tráfico, á Policía Local e ao Servizo Municipal de Protección Civil do Grove.

Finalmente, unha ambulancia de soporte vital avanzado, segundo o 061, trasladou á menor ao Hospital Clínico Universitario de Santiago.