Unha muller tivo que ser trasladada ao hospital en Lugo polas queimaduras que sufriu nun incendio. Ocorreu nunha vivenda do barrio lugués da Milagrosa.

Ao parecer, o sinistro debeuse á explosión dunha bombona de gas, que provocou grande alarma entre a veciñanza e obrigou a desaloxar un edificio. Foron os propios veciños os que chamaron a Policía Local e os bombeiros.

A muller sufriu queimaduras na cara e nun brazo. Por fortuna, saíron ilesos os seus cinco fillos, que teñen entre 1 e 6 anos.