Espectacular accidente que por fortuna se saldou só co condutor do vehículo ferido leve. Ocorreu na mañá deste domingo en Quintela de Leirado, no quilómetro 574 da estrada N-120, en sentido Vigo. Segundo declaracións do propio afectado, o home madrugou e na viaxe de retorno á súa casa sufriu un episodio de somnolencia, e como consecuencia o vehículo foíselle da vía e petou conta o bordo da beirarúa envorcou posteriormente.

A Garda Civil lembra que, co aumento de circulación que se está producindo nos últimos días no proceso de desescalada, faise necesario extremar as precaucións e cautelas nas estradas.

Esta tarde, no km. 32,500 da AC-550 en Carnota, un motorista sufriu tamén unha caída e foi trasladado a un centro hospitalario, sen que por agora se dispoñan de máis datos.

En Moeche, pouco despois das catro, na estrada de Baloucos-As Somozas produciuse outra caída de moto. E lembren que este sábado, no concello do Rosal, houbo un accidente mortal. A vítima, un motorista veciño de Oia.

Imaxes cedidas pola Garda Civil de Tráfico de Ourense.