Un galego morreu de xeito repentino en Nixeria, con síntomas compatibles cunha infección de coronavirus.

O home de 52 anos, nado en Ribadumia e veciño de Meaño, presentou os primeiros síntomas cunha febre alta e faleceu no hospital, onde estivo tres días ingresado. O home estaba vinculado ao sector da construción e levaba cinco anos no país africano.

Nixeria leva un mes en confinamento e comeza a súa desescalada este luns. A pesar de ser un dos países máis grandes de África, suma menos de 2.500 casos e 85 mortos.