Os portos galegos recuperan a imaxe do tráfico de cruceiros, que volve con medidas de seguridade adicionais coas que retomar este sector de turismo internacional.

As navieiras contan cun protocolo esixente a bordo que inclúe a vacina obrigatoria de todos os cruceiristas. Aínda así, no caso dalgún positivo por covid-19, o Ministerio de Sanidade obriga a seguir a corentena no porto onde se detectara o contaxio.

Os gastos derivados da estancia e da viaxe de regreso van por conta dun seguro específico para estes casos.

Na Coruña están previstas 35 escalas de transatlánticos neste terceiro trimestre do ano.