Un dos máis de 5.000 asistentes ao concerto piloto sen distancias de Love of Lesbian da positivo por coronavirus. Os organizadores alegan que aínda que se lle fixo un test de antíxenos antes de entrar, esta persoa estaría nese momento en proceso de incubación e por iso deu negativo naquela proba que foi obrigatoria para todos os que foron.

O día 10 darán os resultados deste experimento no que se quere testar a capacidade de transmisión do virus nun evento controlado, con test de antíxenos previo e mascarilla FPP2 pero sen distancias de seguridade.