CRTVG

Buscar

Un pleno ao 15 na Quiniela deixa 2,4 millóns en Feces de Abaixo

Publicado o 12/11/2019 20:13

Pleno ao 15 en Feces de Abaixo. Hoxe era un ir e vir de xente na administración Don Pepe, que selou a quiniela gañadora. E todos gardaban aínda a esperanza de ser o novo bimillonario.

Quen é o portador da quiniela que acertou os quince partidos da Liga disputados a semana pasada é polo de agora un misterio. Como a administración está na fronteira teñen moitos clientes de concellos lindeiros e de Portugal.

Ademais deste, houbo tres totalistas máis en toda España que se repartiron o bote de dez millóns de euros.

Esta administración de Feces de Abaixo dera cartos, pero nunca tantos. Máis clientes de seguro lle vai traer este premio.

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí

Noticias web

12/11/2019