A covid pode afectar de xeito grave tamén os mozos. Un dos pacientes máis novos que precisou coidados intensivos en Galicia ten só 20 anos.

Un militar que estaba destinado na base da Brilat de Pontevedra. Segundo nos confirman dende o cuartel, comezou a sentirse mal o xoves e deu positivo por coronavirus. O venres tivo que ser ingresado e derivado á unidade de coidados intensivos. Os médicos diagnosticáronlle, ademais de covid, unha meninxite que non está asociada ao virus. 

O mozo non tiña patoloxías previas. A súa evolución é favorable e na tarde de onte puido ser trasladado a planta. Está previsto que hoxe mesmo reciba a alta e poida seguir recuperándose no seu domicilio.