O proxecto de loita biolóxica contra a vespa velutina gaña o primeiro premio de Galiciencia. Foi deseñado e desenvolvido por estudantes do colexio internacional Sek Atlántico de Poio para combater con fungos, sen insecticidas químicos, o avance destas daniñas avespas asiáticas.

Este proxecto foi o mellor valorado na edición número 14 da maior feira científica de Galicia, pola que pasaron máis de 2.000 visitantes.

Este ano, Galiciencia estaba dedicada á saúde e aos bos hábitos, con récord absoluto de propostas.