CRTVG

Buscar

Controlado o incendio que destruíu unha nave industrial en Narón sen causar danos persoais

Publicado o 23/01/2020 22:43

• As instalacións estaban dedicadas á fabricación de bolsas de papel, produtos de plástico e outros elementos adhesivos

• A nube de fume puidose ver desde A Coruña (imaxes desde a delegación de TVG)

O Concello de Narón confirmou que o incendio orixinado este xoves nunha nave industrial do municipio, arrasada por efecto das chamas, quedou controlado a última hora da tarde.

A firma afectada é Paydes (Papeis e Desenvolvementos) e os seus traballadores foron desaloxados polo incidente

O suceso ocorreu arredor das 16:45 horas.

O material almacenado nas dependencias provocou unha densa fumareda, visible desde a próxima cidade de Ferrol.

As mesmas fontes detallaron que se adoptaron medidas de seguridade na contorna, o polígono de Río  do Pozo, onde se sitúan compañías como  Lidl, que conta cun centro loxístico.

Bombeiros de Ferrol e Narón, Protección Civil de Narón, Policía Nacional e servizos sanitarios acudiron ao momento, onde os "traballadores se atopan todos sans fóra do recinto", comunicou o 112 Galicia.

O Concello naronés solicitou o reforzo do despregamento de seguridade, ao que se sumou o Grupo de Emerxencias Supramunicipal de Mugardos para evitar a propagación do lume.

 

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí

Máis sobre Narón