Un incendio nun colchón fixo saltar todas as alarmas na residencia de maiores de Ribadumia. Mobilizouse un amplo dispositivo de emerxencias e considerouse a posibilidade de desaloxar o edificio, que finalmente non foi preciso.

Ata o lugar desprazáronse os Bombeiros do Salnés das bases de Vilagarcía e de Ribadumia, a Garda Civil, Emerxencias de Cambados, Protección Civil de Ribadumia e varias ambulancias ante a posibilidade de ter que desaloxar o inmoble.

Unha traballadora do propio centro de maiores logrou sufocar as lapas e evitou a súa propagación ao resto do edificio; daquela, os residentes non tiveron que evacualo en ningún momento. O alcalde da localidade, David Castro, desprazaouse ata a residencia para interesarse pola situación creada.