Detido un home de 68 anos en Vilagarcía por tentar abusar sexualmente de tres cativas. Foi no barrio de Fontecarmoa, de Vilagarcía de Arousa e loxicamente ten preocupados os veciños e as familias da zona. 

O detido é un home que, mentres as menores paseaban preto do instituto, abordou unha das cativas. 
Agarrouna e sobouna durante uns intres, ata que ela conseguiu safar del. As tres pediron axuda, pero o home, lonxe de fuxir de alí, abriu os pantalóns, amosou os xenitais e tentou coller outra delas.

As rapazas telefonaron a policía e os axentes detiveron este home, acusado dun delito de abusos sexuais a menores.

Hai uns días, tamén preto de alí, na Illa, fora detido tamén o condutor dun autobús escolar por tratar de abusar sexualmente de cinco cativas nos traxectos do autobús.