Hai nove anos que o Concello de Ourense construíu un pequeno bloque na zona do Polvorín. O proxecto orixinal pretendía facer do inmoble un espazo de uso público, pero iso non sucedeu.

Nunca se chegou a levar a cabo ningunha actividade nel e agora dá teito a un grupo de ocupantes ilegais que malviven en condicións pouco hixénicas.

Aínda que ao principio, sobre todo durante as noites, os ocupantes ilegais orixinaban algún que outro problema, agora os veciños contan que non causan molestias pero solicitan darlle unha utilidade en condicións a esta construción.

Polo pronto, non hai noticias de solucións por parte do Concello para darlle unha nova vida a este espazo.