CRTVG

Buscar

Un ferido tras chocar dous camións na A-52, ao seu paso por Vilardevós

Publicado o 07/11/2019 11:22
Un ferido tras chocar dous camións na A-52, ao seu paso por Vilardevós

O accidente produciuse ás 1:56 horas desta pasada madrugada no quilómetro 153,100 da autovía A-52, no termo municipal de Vilardevós, Ourense. Un tráiler portugués, que circulaba en sentido a Benavente, chocou contra outro camión que estaba parado na beiravía.

No accidente quedou ferido o condutor do camión que estaba parado, que foi trasladado ao hospital de Verín.

A aparatosidade do accidente, que espallou a mercadoría pola calzada, obrigou a cortar dous dos tres carrís dese punto quilómetrico en sentido a Benavente, para remolcar os vehículos implicados e para retirar o restos espallados pola estrada polo accidente.

A circulación quedou restablecida pasada a unha da tarde. 

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí