España recibe hoxe outros 4.000 millóns do fondo europeo contra o desemprego. Os cartos do chamado SURE son para o financiamento dos ERTE e das prestacións por cesamento de actividade dos autonómos. Con este desembolso, o noso país xa recibiu 10.000 millóns en préstamos do SURE. Bruxelas asignoulle a España en total 21.300 millóns, o que fará que o noso sexa o segundo país da Unión Europea que máis axudas reciba, só por detrás de Italia.