Unha avaría nun vehículo de transporte especial que levaba un tramo dun xerador eólico mantén cortado ao tráfico o carril dereito e parte do esquerdo da estrada N-541 en dirección a Pontevedra.

Ocorreu onte pola tarde cando o vehículo sufriu a rotura dunha peza e quedou inmobilizado na estrada, á altura do concello ourensán de Punxín, no punto quilométrico 14,2. Os camións que teñen que empregar esa vía, poden circular ese treito pola autovía AG-53, mentres non se repara e se retira o vehículo avariado.