CRTVG

Buscar

Un ancián de Valdoviño deféndese de tres asaltantes cunhas tesoiras

Publicado o 27/09/2019 14:18
Un ancián de Valdoviño deféndese de tres asaltantes cunhas tesoiras

A Garda Civil busca tres homes que nas últimas horas atacaron un octoxenario na localidade coruñesa de Valdoviño, concretamente, no lugar do Vilar de Lago. Sucedeu cando, supostamente, entraron na súa casa coa intención de roubar. Os tres ían encapuchados.

Ao parecer, a vítima, que vive soa, descubriunos e fíxolles fronte cunhas tesoiras. Os presuntos agresores responderon arrebolándolle unha mesa. O ancián sufriu diferentes lesións e requiriu asistencia sanitaria. A investigación está aberta.

Noticias web

27/09/2019