Un alemán de viaxe turística na illa canaria da Gomera é o primeiro caso diagnosticado do coronavirus de Wuhan en España. O paciente forma parte do grupo de cinco alemáns illados desde o xoves no hospital da illa, logo de saberse que dous deles estiveran en contacto directo cunha persoa contaxiada en Alemaña. As autoridades sanitarias indicaron que o estado de saúde do afectado é bo e que de momento non está previsto trasladalo de centro hospitalario.