Tres persoas feridas, entre elas unha muller embarazada, nun accidente rexistrado esta mañá en Noia. O sinistro tivo lugar na estrada C-550 á altura de Orro, en Santa Cristina. Por causas que aínda se investigan, un vehículo invadiu o carril contrario e bateu frontalmente contra outro coche. Un dos feridos quedou atrapado no interior, e tivo que ser liberado polo servizos de emerxencias. Todos os implicados foron trasladados ao hospital, en Santiago, para avaliar o seu estado de saúde.