E que pasa se os contidos teñen potencial "severo" para causar dano? Agocharanse e no seu lugar aparecerá o seguinte: "Parte do contido compartido neste chío entra en conflito coas directrices dos expertos en saúde pública en relación á COVID-19". Nese caso, será o usuario quen teña que solicitar expresamente ver o orixinal se así o desexa. No caso de informacións enganosas que a rede social considere máis "extremas e daniñas", eliminarase o chío.

Twitter alerta de que este mecanismo se aplicará tamén aos chíos compartidos con anterioridade á data de hoxe. Aínda que polo de agora se limite ás informacións relacionadas co coronavirus, a idea é que se amplíe máis adiante ao resto dos contidos.