O Liceo conseguiu o triunfo na pista do Reus, o que hai unha semena foi o seu verdugo da Supercopa de hóckey sobre patíns.

Gran traballo dos liceístas, que ataron de mans un dos mellores conxuntos da OK Liga. A defensa estivo perfecta e en ataque volveu ser decisivo Jordi Adroher, con dous tantos. O outro logrouno César Carballeira. Álex Rodríguez marcou o gol da honra para os locais, distanciados do líder na cuarta posición. 

A unha xornada para o remate da primeira volta, o Liceo mantén a vantaxe á fronte da competición á espera de enfrontarse ao Barcelona no primeiro partido da segunda volta.